Wararka Maanta: Talaado, Oct 27, 2020-Madaxweynaha Turkiga oo dadkiisa ku booriyay in aysan iibsan baddeecada laga keeno Faransiiska

Madaxweynaha Turkiga oo dadkiisa ku booriyay in aysan iibsan baddeecada laga keeno Faransiiska

Talaado, October, 27, 2020 (HOL)- Iyadoo uu sii xumaanayo xiriirka Dowladdaha Turkiga iyo Faransiiska ayuu madaxweynaha dalka Turkiga Recep Tayyip Erdogan waxaa uu dadkiisa ku booriyay in aysan iibsan baddeecadaha lagu sameeyo dalka Faransiiska.

Fariin teleefishinka uu u mariyay shacabkiisa ayuu ku sheegay madaxweyne Erdogan dadkiisa in aysan iibsan Alaabaha lagu sameeyo dalka Faransiiska, isaga oo dhinaca kalana dunida muslimka ugu baaqay in ay difaacaan dadka musliimta ah haddii ay dowladda Faransiisku isku deydo dacdiyo ka dhan ah.

Dowladda Turkiga ayaa si carro leh uga jawaabtay hadalka kasoo baxay madaxweynaha Faransiiska Emmanuel Macron ee ku aadan difaacidda fikradaha cilmaaniga.

Wuxuu hadalka Erdogan imaanayaa kaddib markii dhawaan la dilay macalin Faransiiska u dhashay oo ardeydiisa tusay sawir gacmeed laga sameeyay Nebi Maxamed NNKH, madaxweyne Macron wuxuu horraantii toddobaaadkan sheegay in ' Faransiiska uusan is dhiibi doonin

Cabdiraxmaan Diini, Hiiraan Online
[email protected]