Jimco, January 10, 2025 (HOL) - Ciidamada Puntland ayaa Burburiyay Shan Saldhig oo Daacish ay ku lahaayeen Buuraha Calmiskaad kadib Howlgal ka dhacay degaanada ku gidaaman buurahaasi oo ah saldhigyada ugu waa weyn ay Kooxdu leedahay.
War kooban oo ka soo baxay howlgalka la dagaalanka Argagixisada ee Puntland ayaa lagu sheegay in howlgalka lagu bartilmaameedsaday fariisimaha Daacish ay ku leeyihiin jiidda Calmiskaad gaar ahaan deegaanada il iyo Cameyra.
"Howlgal qorsheysan, ciidamada difaaca Puntland waxay ku burburiyeen shan saldhig oo ay Daacish ku lahaayeen Il iyo Cameyra," ayaa lagu yiri qoraalka.
Wararka ayaa sheegaya in ciidamada Puntland ay gacanta ku soo dhigeen sahay iyo raashiin aad u badan oo Daacish ku keydsanayeen goobihii lagu burburiyay howlgalka ay qaadeen ciidanka Puntland.
Ciidamada Difaaca Puntland ayaa lagu soo waramayaa inay isku gadaameen bartilmaameedyo muhiim ah oo dagaalyahanada Daacish fadhiismo u ahaa.
Markii lagu xoojiyay cadaadiska howlgalada Ciidanka Puntland, Kooxdaan ayaa dib waxa ay uga gurteen saldhigyo ay lahaayeen oo ay ka beneeyeen.
Tan iyo markii ay Puntland ku dhawaaqday Howlgalka ka dhanka ah Kooxdaan Daacish waxaa jiray sidoo dadaalo Puntland ay qabaailka ugu soo jiideeyso inay kula garab galaan sidii Daacish degaanada Puntland looga sifeyn lahaa.